«Ауған - сөнген шоқ,өшкен арман,тек сенен есте қалған»
Биыл 15-ақпанда Кеңес әскерлерінің Ауғанстан жерінен шығарылғанына 21 жыл толады. Бұл – аз уақыт емес.Ауған соғысының қасіреті кімдердің жүрегін жараламады десеңізші?! Азаматтық борышын атқаруға әскерге кетіп, табытпен оралғандары қаншама?
Мектебіміздің оқушыларымен «Ауған - сөнген шоқ,өшкен арман,тек сенен есте қалған» атты кездесу болып өтті. Кездесуге Ауған соғысының ардагерлері: Жұмабаев Мұхтар және Ақай Тілес ағаларымыз қонаққа келді. Көрермен болып отырған оқушыларымыз қонақтарымызға түрлі сұрақтар қойып, Ауған соғысында болған оқиғаларын есіп,Отанымыздың патриот азаматы болып елін, жерін қорғау міндеттері екендіктерін үйретті. 9-11 сынып оқушылары арасында ер жігіттерге яғни, Қазақстан Республикасының Қарулы Күштерінің болашақ сарбаздарына Қорғаныс министрлігінің әскери есепке алынғандықтарын анықтайтын тіркеу куәліктері салтанатты түрде табыс етіледі. Тіркеу куәліктерін ардагер ағаларымыз тапсырды.
